Java e gjashtë e Superligës shqiptare do të sjellë derbin e shumë pritur Tirana-Partizani. Ndeshja midis dy skuadrave rivale të përjetshme është planifikuar që të zhvillohet më datë 25 tetor në orën 19:45.
Ndërsa pak minuta më parë klubi pritës i kësaj sfide, Tirana ka njoftuar se derbi do të zhvillohet në stadiumin ‘Air Albania’.
‘Bardheblutë’ vijnë në këtë takim me 11 pikë dhe mbajnë kreun e tabelës së Superligës, ndërsa ‘Të kuqtë’ e kryeqytetit kanë pesë javë që vuajnë për fitore, duke u renditur në pozicionin e shtatë me vetëm katër pikë.
Megjithëse ende nuk kanë dalë çmimet e biletave pritet që kjo sfidë ta mbushë stadiumin kombëtar plot.
Ndeshja do të ndiqet nga afër edhe nga delegatët e UEFA-s, pasi pas situatës të pakëndshme të ndodhur në takimin kualifikues të Kombëtares me Poloninë, ku tifozët ‘Kuqezi’ sulmuan lojtarët polakë, duhet të garantojnë sigurinë për zhvillimin e Conference League në Shqipëri./K.T/Gijotina.com
