Ngjarje të papritura janë duke ndodhur te klubi i Barcelonës. Vetëm pak orë pasi u përfol se Philippe Coutinho do të largohej nga katalanasit, në klubin Blaugrana po diskutohet që ai të jetë trashëgimtari i numrit të Lionel Messit.
Ndonëse ecuaria e brazilianit në ‘Camp Nou’ nuk ka qenë aspak e pëlqyeshme ‘Mundo Deportivo’ raporton se trajneri Ronald Koeman ka besim të plotë te 29-vjeçari dhe dëshiron që t’i japë edhe një mundësi tjetër.
Coutinho thuhet se do të mbajë numrin 10, të cilin Messi e trashëgoi nga Ronaldinho 13 vjet më parë.
Rikujtojmë se më parë 29-vjeçari ka mbajtur numrin 14, ndërsa tani është pa numër për shkak se 14-ta është dhuruar sulmuesit shqiptar Rei Manajt.
Te Barcelona aktualisht janë dy numra të lirë 10 dhe 25, ndërsa në vazhdim pritet të shohim nëse Koeman do e bëjë Coutinhon trashëgimtar të legjendës së Blaugrana./Gijotina.com
