Vendosi tritolin në banesën e Dukës, policia del me njoftim zyrtar për autorin

Policia e Durrësit ka dhënë detaje për arrestimin e autorit që vendosi tritol në banesën e kreut të Federatës Shqiptare të Futbollit, Armand Dukës. Mësohet se, në pranga ka rënë Arlen Hasanaj banor i lagjes 4 të qytetit bregdetar. I dyshuari është sipërmarrës dhe ende nuk dihet konflikti që ka mes tij dhe Dukës.

Nga hetimet rezultoi se Hasanaj vendosi dhe aktivizoi lëndën eksplozive pranë portës së oborrit të familjes Duka është fiksuar nga kamerat e sigurisë në rrugën paralele me portin duke hipur në një automjet tip ML të cilin e ka lëvizur pak metra.

I riu me kapuç është parë të futet edhe në një pallat në Durrës dhe kaq ka mjaftuar për ta çuar grupin hetimor drejt zbulimit të identitetit përmes targës së automjetit. Ai është një person pa precedentë penalë, ndërsa nuk dihet ende arsyeja e vendosjes së tritolit.