Vendosja e traut ne hyrje te parkut të Divjakës dhe bërja me pagesë për turistët dhe vizitorët vendas ka sjellë kundërshti nga ana e banorëve të zonës. Pasi edhe çiftet e reja që realizonin setin e dasmës ne molin e famshëm të Divjakës , tashmë duhet të paguajnë. Banorët thonë se qeveria po kthen çdo bukuri natyrore në biznes dhe po iu merr atyre pasuritë që iu ka falur natyra.
“Për ne nuk është e drejtë të paguajmë një pagesë për të hyrë në qytetin e tyre. Nuk është e drejtë, që këta njerëz që vuajnë nga mëngjesi në darkë për të nxjerrë bukën e gojës të paguajnë për të hyrë në pyllin e Divjakës”, u shpreh për mediat një prej banorëve të zonës.
Ministria e Mjedisit dhe Turizmit me vendimin e këshillit të ministrave 1156/ 2020 , pika 6 , ka vendosur këto tarifa ne kuadër të ekoturizmit: Për vizitorët dhe turistët që frekuentojnë parkun në këmbë ose me biçikletë , 500 lekë të vjetra në ditë për person dhe për mjetet e çfarëdo lloj kapaciteti 1500 leke të vjetra në ditë. E ndërkohë që turistet vendas i konsiderojnë këto tarifa normale për banorët e zonës ata janë taksa shtesë.
Discussion about this post