4 persona janë proceduar penalisht ditën e sotme në Lushnjë. Bëhet me dije se në kuadër të megaoperacionit “Sundimi i ligjit”, janë zbuluar 2 lokale ku viheshin baste sportive, me celularë në lagjet “Kongresi” dhe “Loni Dhamo”.
Janë proceduar penalisht 2 pronarët e lokaleve dhe 2 shtetas që u kapën duke luajtur.
Sakaq, policia ka sekuestruar 4 celularë me faqe aktive bastesh në ta.
Në përfundim të veprimeve procedurale për këto raste, u referuan materialet në Prokurori, ku nisën procedimet në gjendje të lirë për 2 pronarët e lokaleve, shtetasit F. T., 56 vjeç dhe R. Ç., 29 vjeç, si dhe për 2 shtetas që u kapën duke vënë baste në këto ambiente, B. B., 56 vjeç dhe M. T., 65 vjeç, të katërt banues në Lushnjë.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.
Discussion about this post