Sot në orën 20:45 Torino do të luajë në transfertë me skuadrën e Venezias ndeshjen e vlefshme për javën e gjashtë të Seria A.
Kjo ndeshje do të tërheq vëmendjen e shumë shqiptarëve, pasi pjesë e skuadrës së Torinos është portieri i Kombëtares kuqezi Etrit Berisha dhe mbrojtësi i Kombëtares dardane Mërgim Vojvoda.
Torino aktualisht ndodhet në vend të 11 të tabelës së Seria A, ndërsa në pesë ndeshje ka grumbulluar vetëm 7 pikë.
Ndërsa kundërshtarët e tyre, Venezia e cila rikthehet në elitën e futbollit italian pas rreth 20 viteve, renditet në vendin e 18-ë me vetëm 3 pikë në 5 ndeshje. Bazuar në rezultatet e deritanishme pritet që skuadra e lojtarëve shqiptarë të triumfojë, teksa nuk mund të përjashtohen as surprizat.
Formacionet se si do luajnë dy skuadrat këtë të hënë nuk dihet ende, ashtu siç pritet që në orët në vijim të konfirmohet pjesëmarrja apo jo në listën e kësaj ndeshjeje të dy lojtarëve shqiptarë./K.T/Gijotina.com
