Dy ditë më parë moti i keq në Shkup, shkuli pemën që kishte mbjell Nëna Terezë në vitin 1980.
Ndërsa sot të punësuarit e Ndërmarrjes Publike Parqe dhe Gjelbërime e copëtuan dhe e shkatërruan. Drejtori i kësaj ndërmarrje Angele Sootirovski thotë se i vjen keq për këtë, por se ishte i detyruar se druri kishte vdekur dhe nuk mundej të riparohej.
“Druri është shkatërruar, moti i ligë e bëri të veten. Moti që e kaploi Shkupin e shkatërroi tërësisht. Është e pamundur të rikthehet. Ajo është sikur njeriun e vdekur të dëshirosh ta ringjallësh. Me të vërtetë na vjen keq për drurin dhe dëshiruam ta rikthejmë, por me të vërtetë nuk ka mundësi”, deklaroi Angele Sotirovski.
“Unë isha në terren kur u largua druri, ishte i rënë në tokë. Këto dru kanë rrënjët e shkurta ishte shumë i dëmtuar për këtë shkak vendosëm ta presim”, deklaroi Ivan Stojanov, i punësuar.
Nga Instituti i Trashëgimisë Shpirtërore e Kulturore të Shqiptarëve në Shkup kërkojnë të dinë se përse është copëtuar në atë mënyrë druri që ka peshë historike dhe kulturore. Sipas tyre bredhi duhet të kthehej në gjendjen e mëparshme pasi u shkul nga moti i ligë, e jo të coptohet dhe të dërgohet në vend të panjohur.
“Ndërmarrja që ka kryer këto veprime, ka bërë një akt barbar ndaj një objekti që i takon trashëgimisë së Nënës Terezë, sepse bëhet fjalë për një bredh që është mbjellë nga vetë dora e saj në vitin 1980, andaj ITSHKSH-Departamenti për trashëgiminë e Gonxhe Bojaxhiut-Nënës Terezë kërkon me urgjencë nga autoritetet komunale dhe qendrore që të nisin procedurat e marrjes në përgjegjësi ndaj kryerësve të këtij akti të shëmtuar”, deklaruan nga “NP Parqe dhe gjelbërime”.
Discussion about this post