Presidenti i Rusisë Vladimir Putin nuk do të lejohet të marrë pjesë në funeralin e mbretereshës Elizabetë.
Madje mësohet se ai nuk ka marrë asnjë ftesë në lidhje me ceremoninë mortore që do të zhvillohet të hënën më datë 19 shtator.
Ndërkohë një reagim i ashpër ka ardhur nga Kremlini, duke kritikuar vendimin që asnjë zyrtar rus të mos ftohet, duke e cilësuar si imoral.
Zëdhënësja e Ministrisë së Jashtme Maria Zakharova e quajti mospërfilljen një “përpjekje për të përdorur tragjedinë kombëtare për qëllime gjeopolitike”.
Zyra e Jashtme Britanike informoi ambasadën ruse në Londër për vendimin e saj për të shmangur ftesën e Rusisë, përfshirë zyrtarë të lartë të ambasadës, për të marrë pjesë në ceremonitë e zisë pas vdekjes së Mbretëreshës Elizabeth II.
“ Ne besojmë se përpjekja e Mbretërisë së Bashkuar për të përfituar nga një tragjedi kombëtare që preku zemrat e miliona njerëzve anembanë botës për të larë hesapet me ne gjatë ditëve të zisë është thellësisht imorale. Ne i shprehim ngushëllimet tona të thella popullit britanik për humbjen e madhe që i pësoi”, deklaroi Zakharova.
Discussion about this post