Pasi na çuan “Mbi re” me projektin e tyre të parë në vitin 2017 dhe na i falën të gjitha përveç zemrës (“Merri merri”) në vitin 2018, Ledri Vula po bashkon sërish forcat me Butën për një tjetër këngë.
Bëhet fjalë për një këngë verore që do të na vërë të gjithëve në lëvizje, sigurisht!
Sipas “Prive”, kënga është realizuar nga vetë reperët teksa videoklipi pritet të xhirohet shumë shpejt.
Ende nuk ka një datë zyrtare për publikimin e këngës së re. Deri tani dihet vetëm se do jetë gati për fansat para mbylljes së sezonit veror.
Ledri na ka kënaqur deri tani me disa prej hiteve të sezonit, si “Don mo”, “Dale” në bashkëpunim me Kidën dhe Butrintin dhe “Marr” me Majk.
Po ashtu, Buta publikoi katër ditë më parë këngën e re me titull “Poshtë/Nalt”.
