Numri i turistëve në vendin tonë, të ardhur gjatë verës, është 2.3 herë më i madh se në vitin 2020. Sipas asaj çka raporton INSTAT, përgjatë nëntëmujorit të 2021-it, vendet që kanë hyrjet më të larta të shtetasve në Shqipëri, janë Polonia dhe SHBA ndërsa numri i shtetasve nga Greqia që hynë në territorin tonë shënoi rënie me 8,6 %.
Polonia ka pasur rritjen më të madhe me 4,6 herë dhe Shtetet e Bashkuara të Amerikës me 4,3 herë, ndërsa Greqia ka pasur rritje me 8,6 %, krahasuar me të njëjtën periudhë të vitit 2020.
Numri i shtetasve shqiptarë të dalë nga territori i Shqipërisë gjatë nëntëmujorit të 2021, është 3.223.429. Ky tregues, sipas INSTAT-it, është rritur me 45,9 %, krahasuar me të njëjtën periudhë të një viti më parë.
Kujtojmë këtu, që vendi ynë është ndër më të preferuarit nga turistët e huaj, kryesisht edhe për çmimet të cilat janë më të lira në krahasim me vendet e tjera europiane. Gjithashtu ka dhe disa faktorë të tjerë të cilët i bindin të huajt të zgjedhin Shqipërinë, duke përmendur këtu klimën, gatimet, mikpritjen etj.
