Në konferencën e sotme për shtyp, kreu i Komisionit Qendror të Zgjedhjeve nuk i ka shpëtuar pyetjeve të gazetarëve lidhur çështjen e Tom Doshit. Celibashi tha para mediave se dokumenti i Prokurorisë së Përgjithshme do të merret në shqyrtim.
“Do t’i marrim në shqyrtim të dhënat që na kanë ardhur për Tom Doshin”, tha Celibashi.
Kujtojmë se vetëm një ditë më parë, Sektori i Dekriminalizimit pranë Prokurorisë së Përgjithshme përfundoi verifikimet për Tom Doshin, ndërsa rezultatet ia ka kaluar Komisionit Qendror të Zgjedhjeve.
Nga dokumenti, mësohet se ndaj ish-kreut të PSD rëndonte akuza e plagosjes së rëndë me dashje, ndërsa bie në sy fakti që nuk ka qenë në kërkim apo hetim ndërkombëtar ashtu siç mund të jetë aluduar.
Gjithashtu, Doshi akuzohet për grumbullim dhe pjesëmarrje në tubime të paligjshme, apo dhe goditjes për shkak të detyrës. Në dokument gjithashtu përfshihet edhe shpallja non grata nga SHBA. Pas këtyre ngjarjeve, Doshi dha dorëheqjen nga kreu i PSD dhe nga mandati i deputetit vetëm pak orë pas zgjedhjeve të 25 prillit. /D.L/ Gijotina.com
Discussion about this post