Juventusi ka bërë autokritikën pas humbjen me Interin, teksa ka fituar 2-1 me përmbysje përballë Cagliari. Një fitore e vuajtur kjo për djemtë e Allegri, të cilët “blindojnë” vendin e 4-të në tabelën e klasifikimit në Serie A.
Cagliari kaloi e para në avantazh, teksa Pedro surprizoi bardhezinjtë. Juventusi gjithsesi arriti të barazonte me De Ligt në fund të pjesës së parë, ndërsa Vlahovic shënoi golin e fitores në pjesën e dytë.
Juventusi blindon zonën Champions pas këtij suksesi, ndërsa Cagliari duhet të vuajë akoma që të sigurojë qëndrimin mes më të mirave të Italisë, pasi aktualisht ndodhet në vendin e 17-të me 25 pikë.
Më parë sot kishte fituar edhe Interi, që likuidoi 2-0 Hellas Verona dhe u ngjit në vendin e dytë për momentin, me një pikë më pak se Milani kryesues. Barella dhe Dzeko ishin autorët e golave për kampionët në fuqi.
Discussion about this post