Verratti gati të nisë aventurën e re në Gjirin Persik

Pas më shumë se një dekade si pjesë e rëndësishëme e historisë së Paris Saint Germain, Marco Verratti do të jetë në Doha në orët në vijim për të finalizuar transfertën e tij te Al-Arabi.

Mesfushori italian duhet t’i nënshtrohet ekzaminimeve mjekësore ditën e martë, para se t’i bashkohet klubit nga Katari.

Në të njëjtën kohë, Al-Ahli vazhdon të insistojë për Julian Draxler. Ndërsa gjermani kishte dhënë marrëveshjen e tij kontraktuale, ai kërkoi kohë për shkak të problemeve familjare.

Gjatë orëve në vijim pritet që ish-lojtari i Schalke 04, të marrë një vendim.