Max Verstappen arriti që të fitojë çmimin e madh të Kinës. Piloi i Red Bull vijon të dominojë në këtë edicion, teksa regjistroi suksesin e radhës dhe mban vendin e parë në renditjen e përgjithshme, duke shtuar kuotat e tij si favorit për të marrë titullin. Holandezi ishte dominues për gjatë gjithë garës dhe për pjesën më të madhe të saj nuk e vuri në diskutim triumfin në Kinë.
Pas Verstappen i dyti u rendit britaniku i McLaren Lando Norris, i cili po ashtu bëri një paraqitje shumë të mirë, por nuk arriti që të thyejë pilotin e Red Bull.
Në podium u ngjit dhe piloti tjetër i Red Bull, Sergio Perez, i cili regjistroi kohën e tretë më të mirë.
Vetëm vendi i katërt dhe i pestë për dy pilotët e Ferrarit, të cilët ndonëse deri në fund provuan që së paku njëri prej tyre të ngjitej në podium nuk ia dolën.
Bottas ishte i vetmi që nuk arriti dot ta përfundojë garën e çmimit të madh të Kinës.
Gara e radhës do të jetë në fillimin e muajit të ardhshëm, për çmimin e madh të Miamit në datat 3-5 maj, ndërkohë që Verstappen pas suksesit në Shanghai thellon akoma më tepër diferencën me ndjekësit, pasi kjo ishte gara e katërt që ai triumfon këtë edicion.
Discussion about this post