Ish-përfaqësuesi i Bashkisë Fier në Komisionin e vlerësimit të ofertave, Florian Muçaj, ka dhënë dëshminë tij në Komisionin Hetimor. Kryetarja e Komisionit Jorida Tabaku, publikoi shkresën ku Kryetari i Bashkisë së Fierit, Armando Subashi deklaron se nuk ka gjendje emergjence mjedisore. Tabaku theksoi se procesi për Inceneratorin e Fierit është nisur me një ofertë të pakërkuar.
“Në dosjen që ka sjellë këtu Armando Subashi dhe kam këtu të gjitha shkresat e Armando Subashit deklarohet që nuk ka një gjendje mjedisore emergjence në Bashkinë e Fierit dhe i gjithë procesi ka nisur me një ofertë të pakërkuar të kompanisë për gjendjen e mergjencës mjedisore. Përse keni pranuar një ofertë të pakërkuar dhe keni nisur një proces koncesioni ku nuk ka pasur një gjendje të emergjencës mjedisore? Këtu kam shkresat e z. Armando Subashi” – tha Tabaku.
Ndërhyn anëtari socialist, Besjan Ajazi: Mos na bëni të ndjehemi keq në momentin kur ju po i drejtoni pyetjen. Ai është i vendosur sepse ka marrë udhëzime nga SPAK të mos përgjigjet. Është e panevojshme që ne t’i bëjmë pyetje këtij dëshmitari. Unë dhe kolegët e mi ndjehemi keq, kur ju i bëni pyetje, ai nuk përgjigjet. Për njerëzit që janë thirrur atje unë mendoj të mos vazhdojmë me marrjen në pyetje.
Arben Pëllumbi: Nuk jam në dijeni, të gjitha këto dokumente i keni dorëzuar në prokurori në padinë që keni dorëzuar për këtë që e konsideroni megaaferë? Në rast se të gjithë këto dokumente i keni dorëzuar i takon organit të akuzës të veprojë për të thënë nëse këto që përmendët përbëjnë vepër penale. Ju deklaroni këtu për të mirëqena çdo letër që keni përpara. Kemi 4 muaj këto diskutojmë ju keni argumentet tuaja ne kemi argumentet tona, Mos nisim prapë nga e para. Zotëria e shprehu të vetën që qëndron këtu por nuk përgjigjet.
Jorida Tabaku: Në padinë që PD bëri për inceneratorin e Fierit ngritëm disa dyshime si pjesë e punës së komisionit hetimor, zoti Armando Subashi na i ka konfirmuar na ka sjellë gjithë dokumentet, kemi marrë informacion si anëtarë të këtij komisioni kur të përfundojë punën do i çojmë dhe këto pjesë të SPAK. Ndërkohë ato që ngritëm si shqetësim e akuza këtu një vit e gjysmë më parë sot me këto dokumente rezultojnë të vërteta. Si për anëtaret individualë të komisionit të koncesionit ashtu edhe për zotin Subashi.
Discussion about this post