Adrian Barjami është risia e kombëtares shqiptare në këtë grumbullim në prag të miqësoreve që ekipi ynë kombëtar do të luajë më 26 mars me Spanjës dhe 29 mars me Gjeorgjinë.
Në konferencën për shty së bashku me Elham Kastrsatin ishte edhe prurja më e re, Barjami i cili në këtë mënyrë ka veshur për herë të parë fanellën kuqezi ndërsa thekson se ndihet shumë i lumtur që tani do të ketë fatin të përfaqësojë vendin e tij.
Mbrojtësi i Benficas gjithashtu theksoi se shpreson shumë që të ketë mundësi dhe të debutojë me Shqipërinë në këto miqësore, ndërsa pati vlerësime edhe për Gjimshitin dhe Kumbullën.
Si ndihesh që more ftesën nga Kombëtarja? “Jam shumë shumë i lumtur të jem pjesë e Kombëtares. Shpresoj të ambientohem sa më shpejt dhe të arrijmë te ndeshja.”
Interesimi i Zvicrës dhe ftesa e U-20, pse zgjodhe Shqipërinë? “Unë jam shqiptar. Jam lindur dhe rritur në Zvicër kam kaluar shumë vite me futbollin në Zvicër, pastaj kalova te Benfica, por unë ndihem shqiptar.”
Cilin nga mbrojtësit e Kombëtares e sheh si model? “Berat Gjimshiti dhe Kumbulla, të gjithë janë shumë të mirë.”
Si ishte dita e parë me Kombëtaren? “Dita e parë ishte shumë e mirë për mua, mendova se do ishte më e vështirë por nuk ishte, por ka lojtarë si Lenjani dhe Gjimshiti që më afruan shumë dhe shpresoj të ndihem dhe më mirë.
Debutimi me Kombëtaren kur do jetë? “Shpresoj, unë jam gati, jam në formë. Kam luajtur gjithmonë me Benficën jam kapiteni i ekipit tim, jam gati.”
Si është të jesh pjesë e Benficës, a do e marrësh një vend te ekipi i parë? “Është kënaqësi e madhe të luash për një klub si Benfica, kam mësuar shumë aty, jam rritur si person, si futbollist me kalimin e kohës do shohim çfarë do ndodhi.”
A mund të kesh një kalim në Itali? “Mund të jetë, por për momentin jam fokusuar te Benfica dhe te karriera ime aty, do shohim çfarë do ndodhi.”
Mesazh për tifozët: “Shpresojmë që do vini dhe të na mbështetni sepse do të japim maksimumin për Shqipërinë.” /gijotina.com
Discussion about this post