Jo një por tre tenderë me miliona lekë nga buxheti i shtetit janë hapur nga Bashkia e Tiranës me drejtues Erion Veliaj i cili duket se ka bërë një listë të gjatë të gjërave që kërkon të blejë, në këto kohë krizash.
Procedurat e hapura, nuk janë gjë tjetër veçse blerje luksi që nuk kanë lidhje me asnjë lloj investimi ndaj qytetarëve por zyrtarëve të Lali Erit. Uniforma të reja, veshje speciale, biçikleta elektrike dhe fenelina për bashkinë Tiranë, do të zbrazin nga xhepi i qytetarëve plot 208 milionë lekë të vjetra në total.
Lali Eri di si tua bëjë qejfin punonjësve të tij, pasi edhe shërbimin më të vogël ai e përfiton duke shfrytëzuar tenderë më miliona euro.
Abuzimi me fondin e shtetit, është duke kaluar çdo pritshmëri, por në këtë rast kryebashkiaku e humb vetëdijen dhe del në poltrone e bën thirrje që qytetarët të “kursehen” me shpenzime se është kohë krize.
Bashkia Tiranë, këtë herë ka hapur tre tenderë me fondin limit 20 804 112 lekë të reja ose rreth 208 milionë lekë të vjetra për shpenzime luksi.
Drejtoria e Përgjithshme e Objekteve Publike kërkon të blejë 10 833 279 (dhjetë milion e tetëqind e tridhjetë e tre mijë e dyqind e shtatëdhjetë e nëntë) lekë pa tvsh ose rreth 108 milionë lekë të vjetra për “Blerje uniforma dhe veshje speciale”. Procedura e hapur mban numrin e referencës REF: 25004-04-13-2022.
Po ashtu Bashkia Tiranë përmes “Ujësjellës Kanalizime Tiranë SH.A.”, kërkon të blejë 7.900.000 (shtatë milionë e nëntëqind mijë lekë pa tvsh) ose rreth 79 milionë lekë të vjetra për “Blerje biçiklete elektrike”. Procedura e hapur mban numrin e referencës REF-24705-04-11-2022.
Pra, ujësjellësi nga bashkia e Lali Erit kërkojnë të bëjnë këtë blerje me shumë marramendëse për shërbim që nuk u nevojitet qytetarëve, kur xhepat e tyre po fiken dhe vendi vijon të mbytet nga kriza.
Lali Eri i ka dhënë dritën jeshile një tjetër tenderi me numër reference REF-25386-04-14-2022, ku me fondin limit prej 2.070.833 (dy milion e shtatëdhjetë mijë e tetëqind e tridhjetë e tre) lekë ose 20 milionë lekë të vjetra kërkon të blejë fenelina e pajisje ndihmëse për Policinë Bashkiake.
Hapja e këtyre procedurave tenderuese vjen në një kohë kur buxheti i shtetit është duke u përballur me një serë emergjencash kriza energjetike si dhe rritja e çmimeve të ushqimeve dhe karburantit. A.L/ gijotna.com
Discussion about this post