Sulmuesi i Kombëtares shqiptare, Rei Manaj ka arritur të shënojë golin e tij të parë për Spezian në ndeshjen kundër Sassuolos, e cila u mbyll me barazimin 2-2 dhe që është e vlefshme për kampionatin e Seria A.
Kjo ishte ndeshja e parë ku lushnjari luante si titullar, pasi më herët është futur në fushë vetëm si zëvendësues.
Së fundmi duke folur për programin ‘La Pizarra se Quintana’, 24-vjeçari ka folur për vështirësitë e fillimit te ekipi italian, pasi sipas tij ishte mësuar me mënyrë shumë ndryshe pune te Barcelona.
“Jam shumë i lumtur te Spezia. Muajt e parë ishin pak të vështirë, sepse stili është krejtësisht i ndryshëm këtu. Te Barcelona, qëllimi ishte të zotëronim topin, ndërsa këtu është pak më e komplikuar. Unë tashmë kam arritur të përshtatem dhe jam shumë i lumtur.”-ka thënë ai.
Rikujtojmë se Manaj humbi dy ndeshjet e fundit kualifikuese të Botërorit, pasi nuk ishte në formë të mirë./K.T/Gijotina.com
Discussion about this post