Skuadra e Partizanit do të zhvilloje sot ndeshjen e kthimit për turin e dytë të Conference League, ku do përballet me Baselin në ‘Elbasan Arena’.
‘Të kuqtë’ e kryeqytetit tonë do duhet të përmbysin humbjen e thellë 3-0, që pësuan në takimin e parë në Zvicër.
Gjendur në një situatë të vështirë trajnerit Ilir Daja i shtohet edhe një pengesë tjetër, mungesa e Herald Markut, i cili mori një goditje në stërvitje dhe nuk mund të jetë sot në ndeshje ndaj zviceranëve.
Kjo bën që Partizani të gjendet përballë Baselit pa një mbrojtës të majtë, pasi edhe Musta vijon të ketë probleme fizike.
Do të ishte mrekulli nëse shqiptarët do mund të kthenin rezultatin e të kualifikoheshin për në turin e tretë të Conference League, por ashtu si Teuta edhe nga Partizani priten surpriza./Gijotina.com
