Agjencia e Prokurimit Publik ka konstatuar në një raport tëpublikuar së funmdi se operatorët pjesëmarrës në tednera shpesh falsifikojnë ose fshehin të dhënat e tyre për të konkurruar. Në këtë kuadër, APP iu kërkon operatorëve ekonomikë, që marrin pjesë në tenderë, të vetëdeklarojnë informacion të saktë e që i korrespondon gjendjes së tyre faktike, pasi çdo vetëdeklarim i pasaktë, jo vetëm që përbën shkak për skualifikimin nga procedura konkrete, por përbën shkak edhe për përjashtimin e tyre nga e drejta për të fituar kontrata publike deri në 3 vjet.
Kërkesa e APP-së bazohet në raste konkrete të konstatuar në praktikë, si përshembull fshehja e masave ligjore në fuqi nga Inspektorati Shtetëror i Punës të palikujduara apo kur nga Autoriteti Kombëtar i ushqimit është konstatuar ushtrim aktivitetit jo konform legjislacionit në fuqi. Në shkresën e saj ky dikaster sjell në vëmendje se referuar rregullave të reja të prokurimit publik një sërë kriteresh për kualifikim, të përcaktuara në dokumentet e tenderit nga autoritetet kontraktore plotësohen nëpërmjet vetëdeklarimit, përmes një formulari që është pjesë përbërëse e dokumenteve të tenderit.
Por, në çdo rast autoritetet kontraktore kanë të drejtë të kryejnë verifikimet e nevojshme mbi vërtetësinë e informacionit të deklaruar nga operatori ekonomik ose t’i kërkojë sqarime dhe dokumente mbështetëse për këto sqarime. Gjithashtu, në shkresë theksohet se operatorët ekonomikë mbajnë përgjegjësi të plotë për çdo vetëdeklarim të bërë, me qëllim përmbushjen e kritereve të pranimit dhe pavërtetësisë apo saktësisë së vetëdeklarimve, çka çon pikërisht në skualifikimin e tyre deri në 3 vjet nga e drejta për të fituar kontrata publike për një periudhë 3-vjeçare.
Discussion about this post