Kapet një tjetër shqiptar me kanabis në Britaninë e Madhe. Sipas mediave vendase, në dëshminë e tij, i riu ka pohuar se në “fabrikën” prodhonte drogë të klasit B.
Klajdi Vraja, 20 vjeç, u kap më 7 tetor gjatë një kontrolli të policisë britanike në një banesë në Lupton Road. Brenda shtëpisë u zbuluan rreth 800 bimë me vlerë rreth 1.6 milionë paund.
Duke u paraqitur para Gjykatës së Kurorës së Oksfordit të premten në mëngjes, Vraja, pa adresë fikse, u deklarua fajtor për prodhimin e një droge të klasit B.
Vraja para sallës së gjyqit, i veshur me tuta gri, foli vetëm për të konfirmuar emrin e tij, ndërsa nuk pranoi akuzat. Gjyqtarja Maria Lamb e la atë në paraburgim për t’u rikthyer në gjykatën e kurorës në dhjetor, kur parashikohet se ai mund të dënohet.
Discussion about this post