Vetëm 4 ekselentë e qindra ngelës, ja si dolën maturantët në provimin e Gjuhë-Letërsisë

Ditën e sotme janë publikuar rezultatet e provimit të Gjuhës Shqipe dhe Letërsisë, 13 ditë pas kryerjes së testimit.

Mbi 33 mijë maturantë kanë marrë pjesë në provimin e Gjuhës Shqipe dhe Letërsisë, ku me notë maksimale janë vlerësuar katër maturantë ndërsa ngelës janë 383.

“Ky ishte provimi i gjuhës shqipe dhe letërsisë, të cilin e kryen në total 29731 maturantë. 383 maturantë kanë marrë notën 4.00, duke ngelur, ndërsa 4 maturantë kanë arritur të marrin notën 10.00, duke rezultuar ekselentë. Kalueshmëria për këtë provim është 98.71% ndërsa nota mesatare është 7.45,”- thuhet në njoftim.

Duhet theksuar fakti se tezat e provimeve janë publikuar sapo ka nisur  kontrolli i njohurive, duke treguar se pavarësisht kontrolleve maturantët arrijnë të kenë telefona gjatë provimeve dhe t’i përdorin për të kopjuar.