Prej kohësh në median rozë flitet për një ndarje të mundshme mes Arnita Beqirajt dhe Arbër Çepanit.
Shpesh herë në daljet e saj televizive Arnita e ka shmangur pyetjen nëse çifti i ka dhënë fund marrëdhënies.
Në një intervistë në “Pushime on Top”, duket se Arnita e nënkuptoi ndarjen (ose jo), duke u shprehur se këtë verë ka qëndruar vetëm dhe ka zbuluar se i pëlqen vetmia kur është në paqe.
“Kam zbuluar që më shijon vetmia. Është bukur të jesh vetëm dhe në paqe.”-u shpreh Arnita.
Arbër Çepani dhe Arnita Beqiraj ishin në lidhje dashurie prej gati 3 vitesh, mirëpo duket se edhe kësaj romance i ka ardhur fundi.
Kur regjisorja ishte pjesë e “Dancing with the Stars”, të dy elektrizuan skenën në një kërcim sensual, duke treguar publikisht dashurinë e tyre. Por, urimi publik mungoi nga Arnita për Arbrin i cili ditët e fundit festoi ditëlindjen, duke i vënë ‘vulën’ ndarjes së tyre. Po ashtu, nëse i hidhni një vëzhgim Instagram-it të secilit, vihet re se Arbri dhe Arnita kanë fshirë çdo gjurmë të njëri-tjetrit.
Më herët, Arnita e ka mohuar ndarjen mes saj dhe partnerit. Ajo është shprehur në atë kohë se mes tyre ka pasur ulje-ngritje, por pa dhënë më shumë detaje.
“Unë dhe Arbri kemi një histori dashurie të gjatë në kohë dhe të madhe sigurisht, nuk besoj se ka histori dashurie që nuk ka luhatjet ose dallgët e tyre, por është gjithmonë e rëndësishme kur ato gjejnë rrugën për të shkuar tek njëri-tjetri”.
Sikurse duket, kriza mes tyre është përfundimtare!
gijotina.com/
Discussion about this post