Kanë përfunduar 45 minutat e para të super sfidës Milan-Inter. Gjatë fraksionit të parë të këtij Euroderby, zikaltërit dominuan totalisht ndaj kundërshtarit duke e merituar avantazhin prej dy golash të akumuluar që në minutat e para të takimit.
Në minutën e 8’, Edin Dzeko zhbllokoi rezultatin në San Siro, falë asistimit nga këndi të Çalhanoglu.
Goli i dytë i takimit u realizua nga armeni Henrik Mkitarjan (11’), i cili u tregua gjakftohtë përballë portierit kuqezi Maignan.
Gjatë minutave të mbetura të pjesës së parë, Inter kishte shumë mundësi për të trefishuar rezultatin megjithatë, Milani ishte me fat që nuk pësoi gola të tjerë.
Në pjesën e dytë, tifozët e Milanit presin nga ekipi i tyre që të “bëhet më i gjallë”, duke parë që kjo ndeshje vlen një sezon të tërë./m.b /gijotina.com
Discussion about this post