Kur jemi vetëm pak javë para fillimit të “Katar 2022”, lojtarët duhet të tregohen të kujdesshëm, pasi një dëmtim me klubet tani do të thoshte “lamtumirë” botëror.
Gjithsesi në klubet respektive kërkohet maksimumi dhe një mesazh të qartë në këtë drejtim e jep trajneri i Realit të Madridit, Carlo Ancelotti. Los Blancos po përjetojnë një periudhë të mirë, por me afrimin e Botërorit që rrezikon të shpërqëndrojë lojtarët, me teknikun italian që shprehet.
“Unë besoj se lojtarët mendojnë për Botërorin, por nuk duhet të kursehen në fushë. Nëse nuk dëshiron të përballesh me rrezikun e dëmtimit, atëherë më mirë rri në divan.
Është e mundur që të dëmtohesh edhe në stërvitje, në një kontakt me shokun e skuadrës. Kështu që kush ka frikë, më mirë të qëndrojë në shtëpi dhe të shikojë televizion, opsionet nuk mungojnë pasi ka shumë filma dhe seriale të bukura”, një mesazh i qartë i nga Ancelotti për të gjithë lojtarët.
Benzema , Vinicius dhe të tjerët janë të paralajmëruar, para se të mendojnë për Francën apo Brazilin, duhet të kryejnë detyrën me Realin.
Discussion about this post