Paraditen e sotme Kryeministri i Kosovës, Albin Kurti, njoftoi themelimin themeluar Fondin e Sigurisë. Gjatë këtij lajmi ai ftoi qytetarët e Kosovës dhe bashkatdhetarët tanë në diasporë por edhe donatorë të tjerë të kontribuojnë për sigurinë shtetërore. Nuk kanë kaluar shumë orë dhe kanë filluar të jepen donacionet e para për të forcuar sigurinë shtetërore.
Afaristi Ardian Hoxha, pronar i DuplexClub, ka thënë se si falënderim për lirimin e masave, biznesi i tij do të dhurojë çdo muaj nga 10,000 euro për Fondin e Sigurisë së Republikës së Kosovës. Kompania Frutex e biznesmenit Shaqir Palushi po ashtu ndanë 10,000 euro për Fondin e Sigurisë së Kosovës. Deputetja e Vetëvendosjes Fjolla Ujkani, është zotuar se do t’i jap 5 mijë euro nga kursimet familjare për Fondin e Sigurisë që u themelua sot nga kryeministri i Kosovës Albin Kurti.
Gjithashtu, deputeti i Lëvizjes Vetëvendosje, Alban Bajrami, ka dhuruar pagën e muajit shkurt për Fondin e Sigurisë. Edhe këngëtari dhe humanisti Labinot Tahiri ka premtuar se do të ndajë 5 mijë euro për Fondin e Sigurisë
Discussion about this post