Një ngjarje e rëndë është regjistruar mëngjesin e sotëm në qytetin e Shkodrës. Rreth orës 07:30, një 30-vjeçar është paraqitur në Spitalin Rajonal me plagë të shkaktuara nga armë zjarri.
Sipas informacioneve paraprake të Policisë, shtetasi A. L., 30 vjeç, dyshohet se është vetëplagosur. Menjëherë pas njoftimit, shërbimet e Policisë dhe grupi hetimor janë nisur drejt vendngjarjes, ku kanë bërë të mundur edhe sekuestrimin e armës së zjarrit, tip automatik.
Njoftimi i policisë
Shkodër / Informacion paraprak
Rreth orës 07:30, është paraqitur për ndihmë mjekësore në Spitalin Rajonal Shkodër, shtetasi A. L., 30 vjeç, i cili dyshohet se është vetëplagosur me armë zjarri.
Shërbimet e Policisë, së bashku me grupin hetimor, kanë shkuar menjëherë në vendngjarje dhe kanë bërë të mundur gjetjen e armës së zjarrit (automatik).
Vijon puna për dokumentimin e plotë të rrethanave të rastit.
Discussion about this post