Vetëvritet Gjergj Mullalli, masakroi bashkëshorten një ditë më parë

Autori i ngjarjes së mbrëmshme në fshatin Zëmblak të Maliqit është gjetur i vrarë nga policia.

Dyshohet se Gjergj Mullalli i cili vrau me armë zjarri bashkëshorten e tij, Luiza Mullalli në banesë është vetëvrarë me të njëjtën armë.

Sipas informacioneve të policisë, Mullolli ekzekutoi mbrëmjen e së shtunës bashkëshorten e tij 46-vjeçare, nënë e tre fëmijëve dhe më pas e hodhi atë në një gropë skeptike. Çifti ishte në proces divorci.

Menjëherë  pas bërjes publike të ngjarjes, policia nisi hetimet për kapjen e autorit.

Njoftimi i policisë:

Maliq/Informacion shtesë

Pas kërkimeve të pandërprera dhe kontrollit të territorit me qëllim kapjen e shtetasit Gj. M., i cili një ditë më parë vrau me armë zjarri bashkëshorten e tij, shërbimet e Policisë të DVP Korçë dhe Komisariatit të Policisë Maliq bënë të mundur lokalizimin në një banesë të braktisur, në fshatin Zëmblak, të këtij shtetasi.

Sapo ka konstatuar se ka qenë i rrethuar nga forcat e Policisë 55-vjeçari, ka hapur disa herë zjarr ndaj punonjësve të Policisë.

Pas thirrjeve të njëpasnjëshme të Policisë për t’u dorëzuar, ky shtetas është vetëvrarë.

Grupi hetimor ndodhet në vendngjarje për të kryer veprime të mëtejshme në lidhje me këtë ngjarje.