Komisioni i Pavarur i Kualifikimit konfirmoi sot në detyrë gjyqtaret Nafije Hasko dhe Ersida Bajgora, si edhe prokurorin Pali Deçolli.
Komisioni i Pavarur i Kualifikimit njofton se pas shqyrtimit të dokumentacionit dhe zhvillimit të seancës dëgjimore në datën 27.4.2023, për subjektin e rivlerësimit, Nafije Hasko, vendosi konfirmimin në detyrë të subjektit të rivlerësimit, Nafije Hasko, gjyqtare në Gjykatën Administrative të Shkallës së Parë Tiranë.
Vendimi, i arsyetuar me shkrim, nga trupi gjykues i kryesuar nga Xhensila Pine, Alma Faskaj relatore, Pamela Qirko anëtare do t’i njoftohet subjektit të rivlerësimit, Komisionerit Publik dhe vëzhguesve ndërkombëtarë brenda 30 ditëve.
Komisioni i Pavarur i Kualifikimit konfirmoi sot në detyrë gjyqtaren Ersida Bajgora
Komisioni i Pavarur i Kualifikimit njofton se, pas shqyrtimit të dokumentacionit dhe zhvillimit të seancës dëgjimore në datën 27.4.2023, për subjektin e rivlerësimit, Ersida Bajgora, vendosi konfirmimin në detyrë të subjektit të rivlerësimit, Ersida Bajgora, gjyqtare në Gjykatën e Shkallës së Parë Lushnje.
Vendimi, i arsyetuar me shkrim, nga trupi gjykues i kryesuar nga Suela Zhegu, Roland Ilia relator, Genta Tafa Bungo anëtare do t’i njoftohet subjektit të rivlerësimit, Komisionerit Publik dhe vëzhguesve ndërkombëtarë brenda 30 ditëve.
Komisioni i Pavarur i Kualifikimit konfirmoi sot në detyrë prokurorin Pali Deçolli.
Komisioni i Pavarur i Kualifikimit njofton se pas shqyrtimit të dokumentacionit dhe zhvillimit të seancës dëgjimore në datën 27.4.2023, për subjektin e rivlerësimit, Pali Deçolli bazuar, vendosi konfirmimin në detyrë të subjektit të rivlerësimit, Pali Deçolli, prokuror në Prokurorinë pranë Gjykatës së Rrethit Gjyqësor Fier.
Vendimi, i arsyetuar me shkrim, nga trupi gjykues i kryesuar nga Firdes Shuli, Xhensila Pine relatore, Olsi Komici anëtar do t’i njoftohet subjektit të rivlerësimit, Komisionerit Publik dhe vëzhguesve ndërkombëtarë brenda 30 ditëve.
Discussion about this post