Ambasadorja e Francës në Shqipëri Elisabeth Barsacq, ka folur rreth situatës në Ballkanin Perëndimor, ku ka argumentuar se procesi i integrimit në Bashkimin Europian i Shqipërisë, nuk mund të jetë i ndryshën nga ai i Maqedonisë së Veriut.
“Në lidhje me këtë çështje, mendoj se duhet ta tejkalojmë idenë se dy vendet mund të veçohen. E di se shumë thonë se meqë gjërat nuk po shkojnë mirë për Maqedoninë e Veriut për shkak të Bullgarisë, atëherë duhen ndarë. Kjo duhet tejkaluar dhe ne duhet të bëjmë maksimumin në mënyrë që të mbahen dy konferencat ndërqeveritare në të njëjtën kohë”, tha ajo.
Shqipëria dhe Maqedonia e Veriut janë në pritje të hapjes së negociatava nga Bashkimi Europian, ndërsa liderët e dy vendeve theksojnë se kanë përmbushur kushtet e përcaktuara nga BE-ja. Ndërkohë ky proces është bllokuar nga Bullgaria, për shkak të mosmarrëveshjeve me Maqedoninë e Veriut, ndonëse me Shqipërinë nuk kanë marrëdhënie të njëjta.
Kjo situatë e krijuar mes Maqedonisë së Veriut dhe Bullgarisë për shkak të së shkuarës politike dhe retorikës së kësaj të fundit, është penalizuar dhe Shqipëria, referuar faktit që dy vendet trajtohen si të njëjta nga shtetet anëtarë të BE-së.
Ndërkohë, Franca e cila ka shfaqur pakënaqësi në zbatimin e kushteve të përcaktuara nga BE për Shqipërinë, që kryesisht lidhen me numrin e lartë të emigrantëve shqiptar në këtë shtet, ka marrë më 1 janar kryesimin gjashtëmujor të Presidencës së Bashkimit Evropian. Megjithatë presidenti francez, Emmanuel Macron, bëri thirrje për një Evropë të bashkuar.
Discussion about this post