Këshilli i Lartë i Prokurorisë ka vendosur që Alfred Ballës t’i ndërpritet mandati, kjo pasi Kolegji i Posaçëm i Apelimit vendosi që ta largojë atë nga sistemi i drejtësisë për 15 vite.
Vendimi u mor sot, ku me 9 vota pro u vendos që ish kreut të KLP-së, t’i përfundojë mandati.
Mbledhja e Këshillit të Lartë të Prokurorisë për përfundimin e mandatit të Alfred Ballës është zhvilluar me debate të ashpra.
Alfred Balla, i cili nuk ishte i pranishëm në mbledhje, me një shkresë drejtuar KLP sfidon vendimin e KPA për përjashtimin e tij me 15 vite nga drejtësia, duke thënë se nuk është i menjëhershëm dhe se ai është zgjedhur nga Kuvendi si përfaqësues i shoqërisë civile.
“Unë jam anëtar i KLP-së i zgjedhur nga Kuvendi prej përfaqësuesve të shoqërisë civile shqiptare…Nga interpretimi i nenit 149/b të Kushtetutës nuk del e qartë se, në lidhje me vazhdimin e qëndrimit në detyrë, tashmë duhet të shprehet ky Këshill, apo organi i emërtesës sime që është Kuvendi i Shqipërisë, apo Gjykata Kushtetuese?”, shkruan ndër të tjera Balla.
Discussion about this post