Kryetari i Partisë Demokratike, Lulzim Basha ka reaguar sërish për Vettingun duke theksuar se do ta pastrojë politikën nga llumi i tranzicionit, veset dhe pazaret e tyre.
Përmes një postimi në Twitter, Basha thekson se politikanët e korruptuar dhe oligarkët janë bashkë kundër ndryshimit dhe kundër PD.
“Politikanët e korruptuar, mediat klientë të Ramës & oligarkët, janë bashkë kundër ndryshimit dhe PDShqiperi. E duan Shqipërinë në gjunjë, ku ata fitojnë dhe shqiptarët humbasin. Nuk do ja dalin! Do ta pastrojmë politikën nga llumi i tranzicionit, nga veset & pazaret e tyre. Vetting në politikë”, shkruan Basha.
PD propozon një Vetting të njëjtë si ai i Reformës në Drejtësi, ku këtë herë subjekte nuk do të jenë gjyqtarët dhe prokurorët, por politikanët. Vettingu në Drejtësisë ka tri shtylla; kontrolli i pasurisë; integriteti i gjyqtarit, prokurorit, apo punonjësit të drejtësisë, pra nuk duhet të kenë lidhje të dyshimta me krimin, dhe në fund profesionalizmi.
