Diten e sotme KPK ka konfirmuar në detyrë Kryeprokurorin e Lezhës, Erion Shehaj. Organet e vetingut nuk i kanë gjetur asnjë papajtueshmëri në deklarimin e pasurisë dhe në integritetin e tij profesional dhe personal.
Pas kalimit të vetingut atij i është hapur rruga që të vazhdojë të drejtojë organin e akuzës në Lezhë.
Procesi i vetingut për prokurorin Erjon Shehaj po kryhet nga trupa e KPK e kryesuar nga Alma Faskaj, me relatore Pamela Qirkon dhe anëtare Brunilda Bekteshin.
Në cilësinë e vëzhguesit ndërkombëtar ka qenë i pranishëm Theo Jacobs.
Drejtuesi i Prokurorisë së Lezhës, Erjon Shehaj dha shpjegime për të tre kriteret e rivlerësimit në seancën e dytë dëgjimore të zhvilluar të martën më 29 mars, pas vendimit të Komisionit të Pavarur të Kualifikimit, KPK për riçeljen e hetimit administrativ.
Në seancën e parë dëgjimore të zhvilluar më 7 janar, prokurori Shehaj dha shpjegime dhe dorëzoi prova lidhur me mospërputhjet, pasaktësitë dhe mungesën e burimeve të ligjshme të huave të marra nga babai për blerjen e një apartamenti.
Ai kërkoi që të riçelej hetimi për kriterin e pasurisë për të cilin ishte përfunduar hetimi paraprak deri në atë moment, si dhe të çelej hetimi për pastërtinë e figurës dhe profesionalizmin. Po më datë 7 janar, KPK njoftoi riçeljen e hetimit për të tre kriteret.
Procesi i vetingut për prokurorin Shehaj po kryhet nga trupa e KPK e kryesuar nga Alma Faskaj, me relatore Pamela Qirkon dhe anëtare Brunilda Bekteshin.
Në cilësinë e vëzhguesit ndërkombëtar ka qenë i pranishëm Theo Jacobs.
Në raportin e saj të parë, Drejtoria e Sigurimit të Informacionit të Klasifikuar, DSIK ka konstatuar përshtatshmërinë e prokurorit Shehaj për të vazhduar detyrën. Ndërsa në vijim është bërë me dije se mund të ngrihen dyshime në lidhje me figurën, por është kërkuar që në këtë rast konkluzioni të mbetet në vlerësim të Komisionit.
Qirko sqaroi se nga hetimi Komisionit nuk janë gjetur indicie që mund të cënonin pastërtinë e figurës së prokurorit Shehaj dhe informacionet e servirura nga institucionet verifikues është vendosur të shqyrtohen në vlerësimin profesional.
Discussion about this post