Komisioni i Pavarur i Kualifikimit, (KPK) ka shpallur ditën e sotme vendimin për konfirmimin në detyrë të gjyqtarit të Gjykatës së Rrethit Gjyqësor Tiranë, Erjon Bani.
Gjatë seancës dëgjimore e cila u mbajt ditën e enjte, trupi gjykues që kreu procesin e rivlerësimit për gjyqtarin Bani, nuk evidentoi probleme Bani në asnjë prej kritereve të rivlerësimit.
Komisioni që kryesohej nga Pamela Qirko, me relator Roland Ilian dhe anëtare Etleda Çiftjan, konstatori se gjyqtari Bani ka pasur burime të ligjshme financiare për blerjen e dy makinave, një tip Fiat Punto në vitin 2014 kundrejt shumës 70 mijë lekë dhe një automjeti tip Toyota në 2016-ën për çmimin 4500 euro. Nga hetimi administrativ ka rezultuar se gjyqtari Bani ka pasur mundësi për krijimin e një shume 110 mijë lekë në llogarinë rrjedhëse. Po ashtu, edhe bashkëshortrja e tij ka pasur burime financiare të mjaftueshme për krijimin e një depozite bankare në janar 2016 në vlerën 100 mijë lekë.
Gjatë seancës dëgjimore, Bani sqaroi se kishte dhënë shpjegime të detajuara me shkrim për justifikimin e pasurisë.
Nga 23 denoncimet nga publiku ka rezultuar se një pjesë e tyre kanë qenë të përsëritura dhe se janë kryer nga 13 denoncues. Relatori Ilia tha se subjekti kishte dhënë shpjegime për secilin prej tyre.
Bani është kryetar i Shoqatës Kombëtare të Gjyqtarëve si dhe kandidat për në Gjykatën e Posaçme.
