Kreu i Partisë Demokratike, Lulzim Basha ka shpërndarë raportin e MONITOR për indeksin e zbatimit të ligjit, i cili e pozicionin Shqipërinë në vendin e fundit në Europë.
Lideri i opozitës shkruan në Facebook se vetëm në Vettingu në politikë mund të shpëtojë këtë të fundit nga abuzuesit që janë pasuruar nga korrupsioni dhe nga oligarkët. Ndër të tjera, ai shton se vendi ynë shihet në sytë e botës si një shtet që është kapur nga korrupsioni.
“Në sytë e shqiptarëve dhe mbarë botës, Shqipëria është një shtet i kapur nga korrupsioni, ku fuqia e pushtetit rritet, ndërsa mirëqenia e qytetarëve vetëm bie. Që pushteti t’u kthehet qytetarëve, duhet të marrë fund pa ndëshkueshmëria e politikanëve të korruptuar, duhet pastruar politika nga abuzuesit që janë pasuruar në kurriz të qytetarëve, duhet një orë e më parë”, shkruan Basha.
PD propozon një Vetting të njëjtë si ai i Reformës në Drejtësi, ku këtë herë subjekte nuk do të jenë gjyqtarët dhe prokurorët, por politikanët. Vettingu në Drejtësisë ka tri shtylla; kontrolli i pasurisë; integriteti i gjyqtarit, prokurorit, apo punonjësit të drejtësisë, pra nuk duhet të kenë lidhje të dyshimta me krimin, dhe në fund profesionalizmi.
Discussion about this post