Juristi Genti Malko, teksa komentoi sot kërkesën e PD për nisjen e vettingut ndaj politikanëve tha se ka dyshime mbi qëllimet e atyre që e bëjnë këtë nismë.
Ai u shpreh se, me shumë gjasa kjo është një marrëveshje e fshehtë mes Bashës dhe Ramës. Ai theksoi se vettingu i politikanëve është një mekanizëm, i cili do t’u sjellë atyre që kanë rënë në marrëveshje kontroll më të thellë në sistemin e politikës.
“Nuk besoj se njerëz që për 15 vite kanë akuzuar njëri-tjetrin për lloj-lloj aferash, korrupsion, vjedhje votash, sot marrin përsipër, sepse janë të dy bashkë është marrëveshje e fshehtë u kuptua qartë. Këta dy persona po marrin përsipër të kontrollojnë. Për mendimin tim është një mekanizëm për të mbajtur kontrollin siç ishte, por një kontroll më të thellë të sistemit politik që shkon edhe më larg se ata. Ajo që na rezervon e ardhmja ka për të qenë po e papëlqyeshme. Pyetja është kush e bën. Unë dyshoj te qëllimet e atij që e bëjnë”, tha ai. Ndërsa e quajti si justifikim deklaratën e Bashës i cili tha se pranon të kalojë i pari nën filtrat e vettingut.
