Pas insistimeve të mazhorancës dhe rekomandimeve nga SHBA, Partia Demokratike ka vendosur të bjerë në konsensus për shtyrjen e mandatit të KPK, që drejton procesin e vettingut. Lajmin e ka bërë të ditur pak minuta më parë nënkryetari i PD, Enkelejd Alibeaj, i cili tha se do të votohen ndryshimet Kushtetuese që duhen për zgjatjen e mandatit të Komisionit të Pavarur të Kualifikimit
“Këta të PS kërkojnë shtyrjen e mandatit të vettingut, ka vetëm një busull të vetëm që jemi të detyruara për ta kërkuar edhe për ta mbështetur me votën tonë. Çdo iniciativë e cila shkon në interes të publikut dhe shkon drejt çmontimit të këtij shteti që ka eliminuar të gjitha elementet e ndarjes së pushtetit dhe demokracisë, jo vetëm do japim votat, por do të kërkojmë me forcë që të largojmë këtë regjim”, tha Alibeaj
Në qershor të 2022 Komisionit të Pavarur të Kualifikimit i skadon afati, në një kohë që gjysma e gjyqtarëve dhe prokurorëve nuk i janë nënshtruar ende procesit të verifikimit për ligjshmërinë e pasurive, pastërtinë e figurës dhe aftësitë profesionale.
Kushtetuta kërkon që pas 5 vitesh kompetencat t’i kalojnë KLGJ dhe KLP, por mazhornaca ka sugjeruar që të ndërhyhet në Kushtetutë dhe KPK të vijojë normalisht punën e saj.
