Vezë, shishe dhe tymuese/ Përplasje dhe grushte mes deputetëve në Kuvendin e Serbisë

Kuvendi i Serbisë është përfshirë nga tymi dhe flaka në senacën e sotme. Situata ka përshkallzuar si pasojë e refuzimit të kërkesave të opozitës për futjen e dy pikave në rendin e ditës. Sipas mediave serbe, në kuvend është hedhur gaz lotsjellës ndërsa nuk ka munguar edhe përplasja fizike mes mazhorancës dhe opozitës.

PUMPAJ BRE pic.twitter.com/DvDb09A33r

— Aleksandre (@blentostamin_) March 4, 2025

Kryetarja e Kuvendit, Ana Brnabiç tha se deputetja Jasmina Obradoviç, e cila u godit nga një bombë tymuese, pësoi lëndim dhe është transferuar në spital. Qeveria miratoi paraprakisht rendin e ditës me 62 pika, ku përfshiheshin edhe ndryshimet në Ligjin për Arsimin e Lartë. Këto të fundit janë kërkesë e studentëve që protestojnë në Serbi, që nga shembja vdekjeprurëse e një strehe në Stacionin Hekurudhor të Novi Sadit, më 1 nëntor të vitit të kaluar.

Skupstina Srbije trenutno! pic.twitter.com/06QB9fHWKW

— Gliga (@UltraSerbia) March 4, 2025

Në seancë duhej të miratohej edhe dorëheqja e kryeministrit të Serbisë, Millosh Vuçeviç, të cilën ai e ofroi më 28 janar, nën presionin e protestave të studentëve. Opozita kërkoi që në rend dite të ishin vetëm ndryshimet në Ligjin e Arsimit të Lartë, duke thënë se Qeveria që ka shpallur dorëheqjen, nuk mund të miratojë ligje të rëndësishme.