Një aksident me pasojë vdekjen ka ndodhur mesditën e sotme në Elbasan pranë metalurgjikut, ku si pasojë 50-vjeçarja Lefteri Binjaku humbi jetën.
Siç duket edhe nga pamjet e siguruara nga Gijotina.com, gruaja ka kaluar njërën anë të rrugës, por ka parë që në atë moment po vinte një makinë tjetër.
Ajo ka shtuar vrapin, ndërsa shoferi i makinës tip “Opel” tentoi të frenonte, por shpejtësia e lartë e bëri të pamundur shmangien e aksidentit.
Policia u vu në ndjekje të autorit duke qenë se ai u largua menjëherë nga vendngjarja sapo gruaja u lëshua në tokë e plagosur. Dhe më vonë është bërë i mundur arrestimi i 36 vjeçarit, Ervis Myqelefi.
Discussion about this post