Një gol i Sokol Cikalleshit nga pika e bardhë e penalltisë ka kaluar në avantazh kuqezinjtë e Sylvinho në ndeshjen ndaj Moldavisë.
Me këtë rezultat është mbyllur pjesa e parë e takimit, ndërsa Shqipëria ndodhet vetëm 45 minuta larg Euro 2024. Momentalisht Shqipëria është në kuotën e 16 pikëve (nëse nuk ndryshon rezultati ndaj Moldavisë), çka i siguron vendin e parë në Grupin E, kur do të luajë më 20 nëntor në “Air Albania” takimin e fundit ndaj Ishujve Faroe.
Edhe në rast barazimi ndaj Moldavisë, kuqezinjtë sigurojnë kualifikimin për në Europian, çka duket se po bëhet realitet ëndrra e një kombëtareje që po dhuron spektakël.
Discussion about this post