(VIDEO) A u përfshinë efektivët në arratisje? Momenti i arratisjes së Altin Ndocit

Ky është momenti që Altin Ndoci mbërrin në oborrin e Spitalit të Durrësit, i shoqëruar me ambulancë.\

Në video Ndoci shfaqet duke dalë nga ambulanca i lirë dhe pa pranga, dhe më pas shoqërohet në drejtim të godinës së spitalit.

Shoqërimi i tij bëhet në kundërshti me rregulloren, pasi duhej të ishte i prangosur për shkak të rrezikshmërisë.

Altin Ndoci u arratis ditën e sotme nga spitali rajonal i Durrësit, duke shmangur policinë, ndërsa u prit nga një automjet me të cilin më pas u largua.

Në videon e dyte shfaqet momenti kur Ndoci vrapon me shpejtësi në parkingun e spitalit, për të shkuar drejt makinës që e priste për të kompletuar arratisjen e tij.

Sipas raportimeve të tjera Ndoci është parë për herë të fundit në autostradën Tiranë-Durrës dhe dyshohet se fshihet në kryeqytet.