Arbnor Muja ka realizuar një tjetër gol me skuadrën e tij të Antwerp në Belgjikë, në ndeshjen kundër Westerlo.
Në fundin e pjesës së parë, Muja realizoi nga brenda zonës, me një gjuatje të bukur. Sulmuesi shqiptar ka shënuar 6 gola këtë sezon, ndërsa ka dhuruar 3 asiste.
Por duket se goli i Mujas nuk ka ndihmuar ekipin e tij për të marrë 3 pikë, pasi në pjesën e dytë Westerlo ka realizuar dy herë, duke përmbysur avantazhin e pjesës së parë me golat e Stassin në minutat e 71 dhe 77.
Gjithsesi barazpesha është rikthyer në minutat e fundit të takimit, kur Toby Alderweireld realizoi për Antwerp, në minutën e 86 të takimit.
Në edicionin e parë në Jupiler Pro League, lojtari kuqezi u aktivizua në 27 ndeshje, ku “tundi rrjetën” 3 herë. Në të kaluarën, Muja ka luajtur edhe për Trepçën, Skënderbeun dhe Dritën.
Arbnor Muja është një alternativë e mirë për sulmin e Shqipërisë, me trajnerin Sylvinho që e ka në plane për Europianin e Gjermanisë.
Discussion about this post