Jasir Asani është kthyer në një bekim për Shqipërinë dhe është pa diskutim një nga “xhevahirët” e këtij “gjerdani” të formuar nga Sylvinho. Për tifozët kuqezi, Asani është shndërruar në një Arjen Robben, mëngjarashi i famshëm holandez.
Në çdo moment kur Asani ka topin në këmbë të gjithë presin që ai të bëjë lëvizjen e tij të famshme, depërtim nga e djathta drejt qendrës dhe më pas e majta e tij që në tre raste është ndalur në rrjetë. Në 3 nga 6 ndeshjet e këtyre kualifikueseve, Asani ka realizuar tre perla. Goli i tij kundër Republikës Çeke ka tërhequr edhe një herë vëmendjen e UEFA:
“Një tjetër golazo”, shkruan UEFA në faqen zyrtare, ndërsa e ka nominuar si golin më të bukur të këtij raundi, në dy rastet e para Asani është shpallur fitues.
Discussion about this post