Policia e Korçës njoftoi sot se ka arrestuar shtetasin Saimir Pengu, i cili dyshohet se ka djegur automjetin e shtetasit Gëzim Spahillari.
Ngjarja ka ndodhur mëngjesin e sotëm, ndërsa në njoftimin zyrtar policia tha se i arrestuari kishte bërë rezistencë.
Ndërkohë janë publikuar pamjet kur policia hyn në banesën e Pengut. Në video shfaqen dy punonjës policie që ngjiten me anë të një vinçi në katet e sipërme të një pallati dhe hyjnë në banesën e 30-vjeçarit nga dritarja.
Pamje të tilla mund të konsiderohen të rralla, të paktën për punonjësit e komisariateve.
30-vjeçari rezulton person me precedentë të mëparshëm penalë në fushën e narkotikëve, krimeve kundër personit dhe të armëmbajtjes pa leje.
Discussion about this post