Policia zbuloi sot në Babicë të Vlorës, të fshehura në një banesë, një arsenal armësh, që niste me pistoleta e kallashnikov për të vijuar me snajper e mina me telekomandë.
Policia arrestoi shtetasin Luçiano alias Albano Deraj, i cili u kap në banesën ku u zbulua edhe arsenali i armëve. I arrestuari dyshohet se furnizonte me armë grupet kriminale, ndërsa armët e sekuestruara do t’i nënshtrohen ekspertizës balistike, pasi ka dyshime se janë përdorur në ngjarje kriminale.
Por mes armëve dhe municioneve të shumta, policia gjeti edhe një stilolaps pistoletë.
Armët e sekuestruara janë: snajper, pjesë përbërëse arme luftarake, pistoletë Zastava 10 mm me dy krëhëra, pistoletë dhe 40 fishekë 5.6mm, armë e kalibrit 12 mm, mina me celular, 7 kallëpe lëndë eksplozivi plastik, silenciatorë, 4 dylbi optike, 2 palë dylbi optike vëzhgimi, kuti plastike me 200 fishekë 9 mm, radiomarrëse me valët e Drejtorisë së Policisë Vlorë, targa makinash, çelësa makinash, maska, fenelina, veshje të ndryshme.
Discussion about this post