Arsenal vijon me startin perfekt të kampionatit, pasi ndaj Bournemouth të besuarit e trajnerit Mikel Arteta regjistruan suksesin e tretë radhazi. The Gunners triumfuan me rezultatin 0-3, teksa i bënë një start të shkëlqyer sfidës.
Ata kanw kaluar në avantazh që në minutën e pestë me anë të Martin Odegaard. Fantazisti ishte protagonist kryesor për skuadrën e tij. Gjashtë minuta më pas tundi sërish rrjetën e kundërshtarëve, këtë herë falë një asisti të Gabriel Jesus.
Me rezultatin 0-2 u mbyll pjesa e parë. Në fraksionin e dytë Granit Xhaka asistoi në rastin e golit të tretë, që u shënua nga Saliba në minutën e 54-të. Një realizim që i dha fund shpresave të vendasve për një rezultat pozitiv.
Arsenali menaxhoi më së miri minutat e mbetura të sfidës, madje gjeti edhe golin e katërt me Gabriel Jesus, por festa u anulua nga Var për një pozocion jashtë loje.
Në fund Arsenal iu gëzua tre pikëve, duke shkuar në kuotën e nëntë pikëve në tre ndeshjet e para të kampionatit dhe aktualisht mban kreun e renditjes së Premier League. Nga ana tjetër, Bournemourth pësoi humbjen e dytë sezonale dhe mbetet me tre pikë në vendin e 14-të.
Discussion about this post