Një tjetër operacion anti-kanabis është finalizuar nga Policia e Shkodrës, e cila sipas njoftimeve zyrtare, ka asgjesuar 4999 bimë narkotike cannabis sativa.
Policia tha se ka identifikuar 6 autorë të dyshuar të kësaj veprimtarie kriminale, njëri prej të cilëve është arrestuar dhe 5 të tjerët janë në kërkim.
Policia njftoi se në kuadër të operacionit “Alpe të pastra”, u asgjësuan në total 4999 bimë narkotike cannabis sativa, prej të cilëve: 4180 bimë në fshatin Vajush, Malësi e Madhe; 697 bimë në fshatin Mali Kolaj, Shkodër; 75 bimë në fshatin Berishë e Vogël, Fushë Arrëz dhe 47 bimë në fshatin Repisht, Malësi e Madhe.
“Si rezultat i veprimeve të shpejta hetimore, bazuar dhe në informacionet e siguruara nga inteligjenca policore, shërbimet e Policisë kanë bërë të mundur identifikimin e 6 autorëve të kultivimit të këtyre bimëve narkotike. Prej tyre, u vu në pranga shtetasi P. Gj., 54 vjeç, si dhe u shpallën në kërkim shtetasit Gj. Gj., 27 vjeç, K. Gj., 24 vjeç, N. Gj., 21 vjeç, M. H., 26 vjeç dhe F. N., 33 vjeç, të gjithë banues në fshatrat ku u gjetën të kultivuara bimët narkotike. Vijon puna intensive për kapjen e 5 shtetasve të shpallur në kërkim”, njoftoi policia.
Discussion about this post