Një automjet tip BMW ka marrë flakë teksa ishte në lëvizje në aksin Fier-Patos në afërsi të Portëzës.
Nga të dhënat e para mësohet se automjeti po udhëtonte drejt Patosit, kur shpërtheu në flakë dhe ka përfunduar në një kanal.
Fatmirësisht drejtuesi i mjetit dhe një pasagjer kanë arritur të dalin pa dëmtime serioze.
Dyshohet se një shkëndijë elektrike ka shkaktuar flakën në automjet dhe më pas drejtuesi e pasagjeri e kanë braktisur, teksa makina përfundoi në një kanal.
Në vendin e ngjarjes mbërriti shërbimi i zjarrëfikëses dhe policia që po punon për zbardhjen e rrethanave.
Discussion about this post