Barcelona regjistron humbjen e dytë sezonale në një transfertë që në letër konsiderohej e lehtë. Almeria me gol të Toure i shërbyer nga Luis Suarez që në minutën e 24 adresoi ndeshjen në një drejtim të vështirë për skuadrën e Xavi Hernandez.
Hasën shumë vështirësi katalanasit për të dalë nga kurthi i ngritur prej bardhekuqve aq sa rastin e parë të vërtetë e krijuan në minutën e 70 të takimit teksa Raphinha mund të kishte bërë më shumë pas një harkimi nga e majta e sulmit.
Më pas, Lewandowski dhe pjesa tjetër e skuadrës tentuan me disa aksione të rrezikshme por nuk arritën te evitonin një humbje që djeg pasi Barcelona kishte mundësinë ta zgjeronte në 10 diferencën me Realin pas barazimit të kampioneve në derbin e Madridit.
Discussion about this post