Kryedemokrati Lulzim Basha thotë se ish-kryeministri Sali Berisha nuk e ka luftën me të, por me SHBA për interesat e tij personale. Basha ka postuar në rrjete sociale një video nga intervista e një dite më parë me për mediat, ku shprehet se qëndrimi i tij si kryetar i PD-së, do jetë vetëm në interesin më të mirë të demokratëve.
Sipas kryedemokratit, pas luftës personale që hapi Berisha ndaj SHBA-së, pezullimi i tij nga grupi parlamentar i PD-së, ishte vendimi më i mirë.
“Qëndrimi im si kryetar i Partisë Demokratike ka qenë dhe do të jetë në interesin më të mirë të demokratëve dhe në interes të së nesërmes së Partisë Demokratike dhe të Shqipërisë??. Interesat personale të askujt nuk mund ta bunkerizojnë Partinë Demokratike. Sali Berisha nuk e ka luftën me mua, nuk po e bën luftën për asnjë demokrat, luftën e ka me SHBA, luftën po e bën për interesat e tij personale” – tha
Kujtojmë se ditën e djeshme Basha tha se në momentin që Sali Berisha nuk i qëndroi premtimit të bërë publik që nuk do ta përfshinte Partinë Demokratike, as Grupin Parlamentar të Partisë Demokratike në betejën me Shtetet e Bashkuara të Amerikës, ai ndryshoi qëndrim ndaj tij.
Discussion about this post